Virtual date

Busy si Misis. Sa trabaho, sa bahay at lalo na sa games. Mapa Farm town, Farmville, Restaurant City man 'yan. Pero isa sa pinakamatinding umuubos ng oras at panahon niya itong Harvest Moon. Talaga naman maa-adik adik siya at halos magkaron ng withdrawal symptom kapag hindi nakakapaglaro nito.

Hindi ko pa ito nalalaro kasi wala naman akong Wii. Pero sa mga kwento niya, mukhang mas maganda talaga kaysa sa games sa FB. May mga hayop na siya at ang ku-kyut ng mga pangalan nila. May Mikmik, Muniknik at Manok. Andun din si Giddiyap, Papaitan, Bibe, Tetuts.. at marami pang iba.

Pero kaninang madaling araw nagulat ako sa text ng Misis ko. Sabi niya:

Misis: Hihihi! May date kami ng bf ko sa Harvest Moon. He asked me out.
Tikboy: Susme! Sino ba naging bf mo jan?
Misis: MU pa lang! Hahaha! Si Owen! Send ko pix sa 'yo.

Misis Tikboy and Owen at Caramel Falls

Mister: *selos mode pero nagtimpi* Hmp! Ang taas ng waistline ha!

Teka, ano ba talaga? BF o MU? Hindi naman halatang selos ako no? Virtual date pa lang 'yan. Pano na kaya kung real life? Hmmm.. abangan ang paglabas ng totoo ng kulay ni Mister Tikboy. Maghahalo ang balat sa tinalupan. Ehek!