Regalo

Sunday pa lang alumpihit na ako. Paano ba naman hindi ko pa nabibilhan ng regalo si Misis Tikboy, first year anniversary pa mandin namin. Patay! Kaya nga pagkatapos na pagkatapos ko sa trabaho tinanong ko agad ang kasama ko kung hanggang oras ang mall. Kaso Linggo nga pala, mas maaga nagsasara ang Serramonte Shopping Center at The Shops at Tanforan. Pati nga sana Costco o kaya DS Market papatulan ko na, kaso maaga rin nagsisipagsara. Kaya 'yun, sabi ko na lang pipitas na lang muna ako ng bulaklak sa bakuran para ibigay kay Misis Tikboy pagbaba niya ng eroplano.

Matagal ko na siya gusto bilhan ng singsing kaso hindi ko sigurado kung magugustuhan niya ang pipiliin ko o hindi. Sigurista pa mandin ako, ngek! Kaya nga kanina hinatak ko siya para tumingin sa Zales. Habang namimili siya ino-obserbahan ko lang. Mga band rings ang tinitingnan niya... hmmmm.. kaso may isang singsing na talaga naman kumuha sa atensyon niya na nasa Bridal ring selection - isang engagement ring at wedding ring in one. Paghawak pa lang niya at pagsukat alam ko na gusto niya talaga. Kaso, sabi niya pag-iisipan pa daw. Kaya naglakad-lakad muna kami. Dinala ko muna siya Best Buy para tingnan sana 'yung HP Mini Vivienne Tam edition na gusto kong ibili sa kanya. Kaso walang stock sa store, online lang. Isa pa masyado daw maliit para sa kanya. Bumalik kami sa loob ng mall at tumambay sa Starbucks habang umiinom siya ng PTL at kumakain kami ng Nachos. Bigla niyang sabi sa akin "Sakit tiyan ko Mahal..." Ngutimi ako sa kanya sabay sabi na, "Masakit? O excited ka lang?" Ngumiti ang loka sabay hampas sa akin. Sabi ko sa kanya, "Halika na, bilhin na natin singsing mo."

Kaya heto, megalambing siya sa akin to the max habang tinititigan ang singsing niya. Yihiiiii!